[OO] [PREACHING LESSON 4:] PAPAANO NATIN MALALAMAN KUNG ANG DIYOS AY GUMAGAWA PA SA ATING BUHAY-KRISTIYANO?

PAPAANO NATIN MALALAMAN KUNG ANG DIYOS AY GUMAGAWA PA SA ATING BUHAY-KRISTIYANO?

(How do we know that God is still working and moving in our Christian life?)

 

Efeso 2:10 Sapagka't tayo'y kaniyang gawa, na nilalang kay Cristo Jesus para sa mabubuting gawa, na mga inihanda ng Dios nang una upang siya nating lakaran.

 

Filipos 2:13 Sapagka't Dios ang gumagawa sa inyo maging sa pagnanasa at sa paggawa, ayon sa kaniyang mabuting kalooban.

 

Panimula:

a. Ang kaligtasang naranasan ng bawat tunay na Kristiyano ay simula pa lamang ng dakilang pagkilos ng Diyos sa ating buhay. Ngunit ang kaligtasan ang pinakadakila sa lahat ng ginawa ng Diyos dahil dito natin tinanggap ang Kanyang walang kapantay na pag-ibig.

 

Juan 3:16 Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.

 

b. Ang Diyos ay hindi pa tapos sa ating buhay pagkatapos nating maligtas. Nais Niya tayong patuloy na hubugin upang maging katulad ni Kristo, at upang maging epektibo at mabunga ang ating buhay-Kristiyano.

 

c. Ang Panginoong Hesus ang huwaran o pattern na ginagamit ng Diyos upang hubugin ang karakter ng bawat Kristiyano.

 

LIMANG (5) MAHAHALAGANG PALATANDAAN NA ANG DIYOS AY GUMAGAWA PA SA ATING BUHAY:

1. HINAHAMON TAYO NG DIYOS NA MAMUHAY NG ISANG BAGONG PAMUMUHAY TULAD NI KRISTO.

(God still challenges us to live a new life like the Lord Jesus Christ.)

 

2 Corinto 5:17 Kaya't kung ang sinoman ay na kay Cristo, siya'y bagong nilalang: ang mga dating bagay ay nagsilipas na; narito, sila'y pawang naging mga bago.

 

a. Hindi natin kayang baguhin ang ating sarili sa sarili nating lakas; ang Diyos ang nagbabago sa atin mula sa dating masamang pamumuhay patungo sa bagong buhay kay Kristo.

 

b. Si Kristo ay nag-iwan sa atin ng perpektong halimbawa ng matuwid na pamumuhay upang ating sundan.

 

1 Pedro 2:21 Sapagka't sa ganitong bagay kayo'y tinawag: sapagka't si Cristo man ay nagbata dahil sa inyo, na kayo'y iniwanan ng halimbawa, upang kayo'y mangagsisunod sa mga hakbang niya:

 

c. Ang pagbabago ng isang Kristiyano ay isang proseso na araw-araw na ginagawa ng Diyos.

 

2 Corinto 4:16  Kaya nga hindi kami nanghihimagod; bagama't ang aming pagkataong labas ay pahina, nguni't ang aming pagkataong loob ay nababago sa araw-araw.

 

2. HINAHAMON TAYO NG DIYOS NA MAMUHAY NG BANAL AT MALINIS.

(God challenges Christians to live a holy and clean life.)

 

Juan 15:1-3 1 Ako ang tunay na puno ng ubas, at ang aking Ama ang magsasaka.

2 Ang bawa't sanga na sa akin ay hindi nagbubunga, ay inaalis niya: at ang bawa't sanga na nagbubunga ay nililinis niya, upang lalong magbunga.

3 Kayo'y malilinis na sa pamamagitan ng salita na sa inyo'y aking sinalita.

 

a. Sinabi ni Hesus na nililinis Niya tayo sa pamamagitan ng Kanyang mga Salita (Juan 15:3).

 

b. Ang Salita ng Diyos ay ang mabisang instrumento para sa pagpapakabanal at paglilinis ng buhay ng bawat Kristiyano.

 

Juan 17:17 Pakabanalin mo sila sa katotohanan: ang salita mo'y katotohanan.

 

2 Timoteo 2:21 Kung ang sinoman nga ay malinis sa alin man sa mga ito, ay magiging sisidlang ikapupuri, pinakabanal, marapat gamitin ng mayari, nahahanda sa lahat ng gawang mabuti.

 

3. HINAHAMON TAYO NG DIOS NA UMASA SA KANYANG KAALIWAN SA PANAHON NG PAGSUBOK.

(God still challenges us to trust Him for comfort when we face deep trials in the Christian life.)

 

2 Corinto 1:4, 9-10 4 Na siyang umaaliw sa atin sa lahat ng kapighatian, upang ating maaliw ang nangasa anomang kapighatian, sa pamamagitan ng pagaliw na inialiw din sa atin ng Dios.

9 Oo, kami'y nagkaroon sa aming sarili ng hatol sa kamatayan, upang huwag kaming magkatiwala sa amin ding sarili, kundi sa Dios na bumubuhay na maguli ng mga patay:

10 Na siyang sa amin ay nagligtas sa gayong lubhang malaking kamatayan, at nagliligtas: na siya naming inaasahan na siya namang magliligtas pa sa amin;

 

a. Ang Diyos na nagpapahintulot ng pagsubok ay Siya rin ang mag-aaliw at magliligtas sa Kristiyano sa gitna ng matitinding suliranin.

 

2 Corinto 4:10 Laging saan ma'y tinataglay sa katawan ang kamatayan ni Jesus, upang ang buhay ni Jesus ay mahayag naman sa aming katawan.

 

b. Tapat ang Diyos at hindi Niya hahayaang dumanas tayo ng pagsubok na higit sa ating makakaya.

 

1 Corinto 10:13 Hindi dumating sa inyo ang anomang tukso kundi yaong matitiis ng tao: datapuwa't tapat ang Dios, na hindi niya itutulot na kayo'y tuksuhin ng higit sa inyong makakaya; kundi kalakip din ng tukso ay gagawin naman ang paraan ng pagilag, upang ito'y inyong matiis.

 

c. May gantimpala at pagpapala ang Diyos pagkatapos ng matapat na pagharap sa pagsubok, tulad ng naranasan ni Job.

 

JOB 42:12, 17 Job 42:12 Sa gayo'y pinagpala ng Panginoon, ang huling wakas ni Job na higit kay sa kaniyang pasimula: at siya'y nagkaroon ng labing apat na libong tupa, at anim na libong kamelyo, at isang libong tuwang na baka, at isang libong asnong babae.

Job 42:17 Gayon namatay si Job, na matanda at puspos ng mga kaarawan.

 

4. HINAHAMON TAYO NG DIYOS NA MANALANGIN AT MAGTAWAG NG MGA MANGGAGAWA PARA SA KANYANG ANI

(God challenges us to call more laborers into His harvest.)

 

Lukas 10:1-2 1 Pagkatapos nga ng mga bagay na ito, ang Panginoon ay naghalal ng pitongpu pa, at sila'y sinugong daladalawa, sa unahan ng kaniyang mukha, sa bawa't bayan at dako na kaniyang paroroonan.

2 At sinabi niya sa kanila, Sa katotohana'y marami ang aanihin, datapuwa't kakaunti ang mga manggagawa: kaya't idalangin ninyo sa Panginoon ng aanihin, na magpadala siya ng mga manggagawa sa kaniyang aanihin.

 

a. Si Kristo ay nagsanay ng pitumpung (70) manggagawa upang katuwang sa pag-aani ng mga kaluluwa.

 

b. Hinahamon tayo ni Kristo na imulat ang ating mga mata sa malawak na ani ng mga kaluluwang handa nang maligtas.

 

Juan 4:35 Hindi baga sinasabi ninyo, May apat na buwan pa, at saka darating ang pagaani? narito, sa inyo'y aking sinasabi, Itanaw ninyo ang inyong mga mata, at inyong tingnan ang mga bukid, na mapuputi na upang anihin.

 

c. Ang unang iglesya sa Jerusalem ay nananatiling magandang huwaran ng isang buhay at mabungang pamayanan.

 

Mga Gawa 2:46, 47 At araw-araw sila'y nagsisipanatiling matibay sa pagkakaisa sa templo, at sa pagpuputolputol ng tinapay sa bahay-bahay, at nagsisikain sila ng kanilang pagkain na may galak at may katapatan ng puso.

47 Na nangagpupuri sa Dios, at nangagtatamo ng paglingap ng buong bayan. At idinaragdag sa kanila ng Panginoon araw-araw yaong nangaliligtas.

 

5. HINAHAMON TAYO NG DIYOS NA HUMAYO SA BUONG MUNDO UPANG IPAHAYAG ANG EBANGHELYO.

(God still challenges the Church to go into all the world and preach the gospel of Christ.)

 

a. Ang pandaigdigang misyon (world missions) ang itinalagang susi ng Diyos upang ang Ebanghelyo ni Hesus ay makarating sa bawat tao sa buong daigdig.

 

b. Bahagi ng utos ni Kristo ang bautismuhan sa pangalan ng Ama, ng Anak, at ng Banal na Espiritu ang bawat sumasampalataya at naligtas.

 

c. Kalakip ng utos na ito ang Kanyang dakilang pangako na sasamahan Niya tayo sa paghayo hanggang sa katapusan ng sanlibutan.

 

Pangwakas:

Ang Diyos ay laging handang gumawa at kumilos sa buhay ng bawat Kristiyano. Ang Kanyang layunin ay maging epektibo, mabunga, at kapuri-puri ang ating pamumuhay para sa Kanyang kaluwalhatian.

 

1 Pedro 5:10 At ang Dios ng buong biyaya na sa inyo'y tumawag sa kaniyang walang hanggang kaluwalhatian kay Cristo, pagkatapos na kayo'y makapagbatang sangdaling panahon, ay siya rin ang magpapasakdal, magpapatibay, at magpapalakas sa inyo.

 

God bless you all always!