[HH] [PREACHING LESSON 4:] ANG MAGANDANG PALATANDAAN NG PAGKAKAISA AT PAGTUTULUNGAN SA GAWAIN NG PAG-AAKAY NG KALULUWA NG TAO NG IGLESIA LOKAL

 

ANG MAGANDANG PALATANDAAN NG PAGKAKAISA AT PAGTUTULUNGAN SA GAWAIN NG PAG-AAKAY NG KALULUWA NG TAO NG IGLESIA LOKAL

(Markos 2:1-3) “At nang siya'y pumasok uli sa Capernaum pagkaraan ng ilang araw, ay nahayag na Siya'y nasa bahay.”  v.2: “At maraming nagkatipon, ano pa’t hindi na magkasiya, kahit sa pintuan man: at sa kanila'y sinaysay Niya ang salita.”  v.3: “At sila'y nagsidating, na may dalang isang lalaking lumpo sa Kaniya, na usong ng apat.”

a. Mabuti at kagalakan sa Panginoon na makita ang Iglesia lokal ay nagkakaisa sa kanyang gawain, lalo na sa pag-aakay ng mga kaluluwa ng tao.

(Mga Awit 133:1) “Masdan ninyo, na pagkabuti at pagkaligaya sa mga magkakapatid na nagsitahang magkakasama sa pagkakaisa!”

b. Mahalaga ang pagkakaisa ng mga kapatiran sa gawain ng pag-aakay. Ang apat na Cristianong ito ay magandang huwaran sa pagkakaisa at pagtutulungan sa pag-aakay ng kaluluwa.

(Markos 2:3) “At sila'y nagsidating, na may dalang isang lalaking lumpo sa Kaniya, na usong ng apat.”

4 Magandang Ugali Ng Pagtutulungan Ng Cristiano Sa Pag-aakay

1. SILA'S NAGKAISA AT NAGTULUNGAN SA PAG-AAKAY.

(Markos 2:3) "At sila'y nagsidating, na may dalang isang lalaking lumpo sa Kaniya, na usong ng apat.“ 

Mahalaga ang pagkakaisa sa loob ng Iglesia lokal, matagumpay na magampanan ang gawain ng Dios. May pangako ang Dios ng lubos na pagpapala.

(Mga Awit 133:3) ”Gaya ng hamog sa Hermon, na tumutulo sa mga bundok ng Sion: sapagkat doon pinarating ng Panginoon ang pagpapala, sa makatuwid baga'y ang buhay na magpakailan pa man.“

2. SILA'Y NAGBIGAY NG PANAHON SA PAG-AAKAY

(Efeso 5:16) ”Na inyong samantalahin ang panahon, sapagkat ang mga araw ay masasama.“  Mahalaga sa pagtutulungan sa gawain ng pag-aakay ang pagbibigay ng maraming panahon. Bukas ay maaaring wala na tayong pagkakataon pa na mag-akay ng kaluluwa.

3. SILA'Y NAGBIGAY NG KANILANG KAKAYAHAN PARA GANAPIN ANG PAG-AAKAY.

(Markos 2:3-4)  ”At sila'y nagsidating, na may dalang isang lalaking lumpo sa Kaniya, na usong ng apat.“  v. 4: ”At nang hindi sila mangakalapit sa Kaniya dahil sa karamihan, ay kanilang binakbak ang bubungan ng Kaniyang kinaroroonan: at nang yao'y kanilang masira, ay inihugos nila ang higaang kinahihigan ng lumpo.“

Ang apat na may bitbit sa lumpo ay nagbigay ng kanilang lakas at kakayahan para iakyat sa bubong ang lumpo at doon idaan patungo kay Cristo at sila'y nagtagumpay. Amen at amen!!!

4. SILA'Y  NAKITAAN NG LUBOS NA PANANAMPALATAYA NI CRISTO PARA SA KALIGTAS NG TAO.

(Markos 2:5)  ”At pagkakita ni Jesus sa kanilang pananampalataya ay sinabi sa lumpo, Anak, ipinatatawad ang iyong mga kasalanan.“

Mahalaga ang pananampalataya sa Dios upang magtagumpay tayo sa pag-aakay ng mga kaluluwa. Sinabi ni Cristo sa lumpo "Anak pinapatawad ang iyong kasalanan”, ito ang pinakamagandang bunga ng pagtutulungan at pagkakaisa sa pag-aakay ng mga kaluluwa ng tao. Amen at amen!!!

* Pagpalain kayong lubos ng Panginoon. *