MGA
MALIWANAG NA PALATANDAAN ANG MGA TAONG RELIHIYOSA AT RELIHIYOSO AY HINDI MGA
LIGTAS
(Roma 10:1-4) “Mga
kapatid, ang nais ng aking puso at ang aking panalangin sa Dios ay patungkol sa
kanila, upang sila'y mangaligtas.” v.2:
"Sapagka’t sila'y pinatotohanan ko na may mga pagmamalasakit sa
Dios, datapuwa’t hindi ayon sa pagkakilala.“ v.3: ”Sapagka’t sa hindi nila pagkaalam ng
katuwiran ng Dios, at sa pagsusumakit na maitayo ang sariling kanila, ay hindi
sila napasakop sa katuwiran ng Dios.“
v.4: ”Sapagka’t si Cristo ang kinauuwian ng kautusan sa ikatutuwid ng
bawa’t sumasampalataya
a.
Maliwanag na pinatutunayan ni Pablo na ang relihiyosa at relihiyosong tao ay
may pagmamalasakit sa Dios ngunit hindi ayon sa katuwiran o hindi ayon sa
Salita ng Dios.
b.
Mahalaga na maunawaan ng tao na ang kaligtasan ng kaluluwa o ang pagiging
Cristiano ay hindi pagiging masipag sa gawaing pangrelihiyon. Ang kaligtasan ay
biyaya ng Dios sa pamamagitan lamang ng personal na pagtanggap kay Cristo Jesus
bilang kanilang Panginoon at tagapagligtas.
(Efeso
2:8-9) ”Sapagka’t sa biyaya kayo'y nangaligtas sa pamamagitan ng
pananampalataya; at ito'y hindi sa inyong sarili, ito'y kaloob ng Dios;“ v.9: ”Hindi sa pamamagitan ng mga gawa, upang
ang sinoman ay huwag magmapuri.“
(Mga Gawa 16:30-31) ”At sila'y
inilabas at sinabi, Mga ginoo, ano ang kinakailangan kong gawin upang
maligtas?“ v.31: ”At kanilang sinabi,
Manampalataya ka sa Panginoong Jesus, at maliligtas ka, ikaw at ang iyong
sangbahayan.“
5
Palantandaan Na Masasabi Natin Ang Mga Relihiyosa at Relihiyosong Tao Ay Hindi
Mga Tunay Na Ligtas
1.
Malalaman mo sa kanilang sinasamba o sa kanilang pagsamba.
(Mga Gawa 17:23-25) ”Sapagka’t
sa aking pagdaraan, at sa pagmamasid ng mga bagay na inyong sinasamba, ay
nakasumpong din naman ako ng isang dambana na may sulat na ganito, SA ISANG
DIOS NA HINDI KILALA. Yaon ngang inyong sinasamba sa hindi pagkakilala, siya
ang sa inyo'y ibinabalita ko.“
v.24: ”Ang Dios na gumawa ng
sanglibutan at ng lahat ng mga bagay na naririto, siya, palibhasa'y Panginoon
ng langit at ng lupa, ay hindi tumatahan sa mga templong ginawa ng mga kamay;“
v.25: ”Ni hindi rin naman
pinaglilingkuran siya ng mga kamay ng mga tao, na para bagang siya'y
nangangailangan ng anomang bagay, yamang siya rin
ang nagbibigay sa lahat ng buhay, at ng hininga, at ng lahat ng mga bagay;“
Pinaliwanag
ni Pablo na ang sinasamba nila ay hindi nila nakikilala at ang Dios ay hindi
tumatahan sa mga templo o rebultong gawa ng mga kamay ng tao.
(Juan 4:22-24) ”Sinasamba
ninyo ang hindi ninyo nalalaman: sinasamba namin ang nalalaman namin; sapagka’t
ang kaligtasan ay nanggagaling sa mga Judio.“
v.23: ”Datapuwa’t dumarating ang oras, at ngayon nga, na sasambahin ng
mga tunay na mananamba ang Ama sa espiritu at katotohanan: sapagka’t hinahanap
ng Ama ang mga gayon na maging mananamba sa kaniya.“ v.24:
”Ang Dios ay Espiritu: at ang mga sa kaniya'y nagsisisamba ay
kinakailangang magsisamba sa espiritu at sa katotohanan.“
Si
Cristo Jesus ang nagpapatunay na ang mga tunay na Cristiano o mga ligtas ay
nakikilala nila ang kanilang sinasamba at ang mga tunay na mananamba ay
sinasamba ang Dios sa espiritu at sa katotohanan.
2.
Malalaman mo sa kanilang makamundong pamumuhay.
(Efeso 2:2-3) ”Na inyong
nilakaran noong una ayon sa lakad ng sanglibutang ito, ayon sa pangulo ng mga
kapangyarihan ng hangin, ng espiritu na ngayon ay gumagawa sa mga anak ng
pagsuway;“ v.3: ”Sa gitna ng mga yaon,
tayo rin naman, ng ibang panahon ay nangabubuhay sa mga kahalayan ng ating
laman, na ating ginagawa ang mga pita ng laman at ng pagiisip, at tayo noo'y
katutubong mga anak ng kagalitan, gaya naman ng mga iba:“
Sila
ay hindi tunay na ligtas bagaman sila ay mga relihiyoso at relihiyosa, at anak
pa sila ng Diablo at ang kanilang pamumuhay ay totoong nasa kamunduhan pa. Ang
tunay na ligtas ay totoong may pagbabago na at binago na sila ni Cristo sa
kanilang pamumuhay.
(II Corinto 5:17) ”Kaya’t
kung ang sinoman ay na kay Cristo, siya'y bagong nilalang: ang mga dating bagay
ay nagsilipas na; narito, sila'y pawang naging mga bago.“
3.
Malalaman sa kanilang mga mabubuting pananalita ay taliwas sa kanilang masamang
gawain.
(Tito 1:16) ”Sila'y
nangagpapanggap na nakikilala nila ang Dios; nguni’t ikinakaila sa pamamagitan
ng kanilang mga gawa, palibhasa'y mga malulupit, at mga masuwayin, at mga
itinakuwil sa bawa’t gawang mabuti.
Ang
patotoo ni Tito ayon sa nakita nya sa buhay ng mga taong relihiyosa at sa mga
relihiyoso, sila’y may maaamong pananalita ngunit ang kanilang mga gawain sa
kanilang pamumuhay ay masama sa paningin ng Dios.
4.
Malalaman sa kanilang mga maling paniniwala na hindi ayon sa katuruan ng Salita
ng Dios.
(Colosas 2:8) ”Kayo'y
magsipagingat, baka sa inyo'y may bumihag sa pamamagitan ng kaniyang pilosopia
at walang kabuluhang pagdaraya, ayon sa sali’t saling sabi ng mga tao, ayon sa
mga pasimulang aral ng sanglibutan, at di ayon kay Cristo:“
May
totoong dahilan ng ating pagpipilit na akayin ang mga makasalanan kay Cristo
para maligtas sila sapagkat talagang may kalunos-lunos na kapahamakan na
siguradong patutunguhan nila, ang walang hanggang kahatulan sa impiyerno.
(II Tessalonica 1:8-9) ”Na
maghihiganti sa hindi nagsisikilala sa Dios, at sa kanila na hindi
nagsisitalima sa evangelio ng ating Panginoong Jesus:“ v.9 ”Na siyang tatanggap
ng kaparusahan, na walang hanggang kapahamakang mula sa harapan ng Panginoon at
mula sa kaluwalhatian ng kaniyang kapangyarihan.“
5.
Sapagkat haharap tayong lahat sa hukumang trono ni Cristo upang tayong mga
Cristiano ay magbigay sulit sa Kanya.
(Roma 10:3) v.3:
”Sapagka’t sa hindi nila pagkaalam ng katuwiran ng Dios, at sa pagsusumakit na
maitayo ang sariling kanila, ay hindi sila napasakop sa katuwiran ng Dios.“
Pinapatunayan
ni Pablo na ang mga taong ito ay may pagmamalasakit sa Dios ngunit mali ang
kanilang pagkaunawa sa pagiging Cristiano. Sa hindi nila napag-unawa at walang
kaalaman sa Salita ng Dios ay nagtayo sila ng sarili nilang paraan ng pakilala
sa Dios ngunit sa maling paraan. Malungkot kahit sila'y mga relihiyoso at
relihiyosa ay mapapahamak pa rin sila sa lugar ng impiyerno.
Ang
panalangin ni Pablo ay maligtas ang mga relihiyoso at mga relihiyosong mga tao.
(Roma 10:1) ”Mga
kapatid, ang nais ng aking puso at ang aking panalangin sa Dios ay patungkol sa
kanila, upang sila'y mangaligtas.“
*
Pagpalain kayong lubos ng Panginoon. *
No comments:
Post a Comment