MAY KATIYAKAN BA NG PANGAKO MULA SA SALITA NG DIOS NA MALIGTAS ANG BUONG MIYEMBRO NG PAMILYA?
(Mga Gawa 16:30-31) “At sila'y
inilabas at sinabi, Mga ginoo, ano ang kinakailangan kong gawin upang
maligtas?” V.31: “At kanilang sinabi,
Manampalataya ka sa Panginoong Jesus, at maliligtas ka, ikaw at ang iyong
sangbahayan."
a. Ang
talata natin ang nagsasabi na pangako ng Dios sa isang Cristiano na pati ang
kanyang mga mahal sa buhay ay posibleng maligtas.
b.
Kaya mahalaga na tayong mga ligtas na ay magkaroon ng pagmamalasakit para sa
kaligtasan ng ating mga mahal sa buhay.
4
Mahalagang Dapat Gawin Ng Cristiano Upang Ang Lahat Ng Ating Mga Mahal Sa Buhay
Ay Maligtas.
1.
Opo, may pangako ng kaligtasan sa ating mga mahal sa buhay ngunit kailangang
manalangin kang lubos sa Dios.
(Roma 10:1) ”Mga
kapatid, ang nais ng aking puso at ang aking panalangin sa Dios ay patungkol sa
kanila, upang sila'y mangaligtas.“
Malaki
ang magagawa ng pananalngin nang lubos para sa kaligtasan ng kaluluwa ng ating
mga mahal sa buhay. Sa pananalangin, lahat ng bagay ay laging posible lalo na
sa kaligtasan ng kaluluwa ng ating mga mahal sa buhay.
(Lukas 1:37) ”Sapagka’t
walang salitang mula sa Dios na di may kapangyarihan.“
2.
Opo, may pangako ng kaligtasan sa ating mga mahal sa buhay ngunit kailangang
magpakita tayo ng magandang patotoo sa kanila.
(Mateo 5:16) ”Lumiwanag
na gayon ang inyong ilaw sa harap ng mga tao; upang mangakita nila ang inyong
mabubuting gawa, at kanilang luwalhatiin ang inyong Ama na nasa langit.“
Mahalaga
ang magandang patotoo natin sa ating mga mahal sa buhay. Ito ay mabisang paraan
upang sila'y manampalataya sa ating Panginoon.
(II Tessalonica 1:10) ”Pagka
paririto siya upang luwalhatiin sa kaniyang mga banal, at upang siya'y maging
kahangahanga sa lahat ng mga nagsisampalataya sa araw na yaon (sapagka’t ang
aming patotoo sa inyo ay pinaniwalaan).“
3.
Opo, may pangako ng kaligtasan sa ating mga mahal sa buhay ngunit kailangang
ilapit sila sa Dios ng may luha.
(Mga Awit 126:5-6) ”Sila na
nagsisipaghasik na may luha ay magsisiani na may kagalakan.“ v.6: ”Siyang lumalabas at umiiyak, na
nagdadala ng binhing itatanim; siya'y di sasalang babalik na may kagalakan, na
dala ang kaniyang mga tangkas.“
Hinahanap
ng Dios ang mga luha ng mga Cristiano upang buksan ng Dios ang matigas na puso
at isip ng ating mga mahal sa buhay upang sila'y mangaligtas.
(Mga Gawa 20:19-21) ”At nang
sila'y mangabati na niya, ay isaisang isinaysay niya sa kanila ang mga bagay na
ginawa ng Dios sa mga Gentil sa pamamagitan ng kaniyang ministerio.“ v.20: ”At sila, nang kanilang marinig yaon,
ay niluwalhati ang Dios; at sa kaniya'y sinabi nila, Nakikita mo na, kapatid,
kung ilang libo-libo ang mga Judio na nagsisisampalataya; at silang lahat ay
pawang masisikap sa kautusan.“ v.21: ”At nabalitaan nila tungkol sa iyo, na
itinuturo mo sa lahat ng mga Judio na nangasa mga Gentil na magsihiwalay kay Moises,
na sinasabi mo sa kanila na huwag tuliin ang kanilang mga anak ni mangagsilakad
ng ayon sa mga kaugalian.“
Mahalaga
ang mga luha ng Cristiano upang sagutin ng Dios ang panalangin natin sa
kaligtasan ng ating mga mahal sa buhay. Amen at amen!!!
4.
Opo, may pangako ng kaligtasan sa ating mga mahal sa buhay ngunit kailangang
ipahayag ang ebangelio ni Cristo para sila ay manampalataya at maligtas.
(Roma 1:16) ”Sapagka’t
hindi ko ikinahihiya ang evangelio: sapagka’t siyang kapangyarihan ng Dios sa
ikaliligtas ng bawa’t sumasampalataya; una'y sa Judio, at gayon din sa Griego.“
Ang
ebangelio ni Cristo ang siyang kapangyarihan ng Dios sa bawat mananampalataya,
na si Cristo ay namatay, nalibing at nabuhay na maguli para sa mga makasalanan.
Amen at amen.!!!
Opo,
may pangako ang Dios na maligtas ang ating mga mahal sa buhay ayon sa mga
katotohanan na ito. Salamat sa Dios sa pangakong ito. Amen at amen!!!
*
Pagpalain kayo ng Dios. *
No comments:
Post a Comment