[FF] [PREACHING LESSON 15:] MGA KADAHILANAN KUNG BAKIT ANG CRISTIANO AY NAGPIPILIT NA MAG-AKAY NG KALULUWA SA LAHAT NG PARAAN AT PAGKAKATAON

 

MGA KADAHILANAN KUNG BAKIT ANG CRISTIANO AY NAGPIPILIT NA MAG-AKAY NG KALULUWA SA LAHAT NG PARAAN AT PAGKAKATAON

 

(II Corinto 5:14) “Sapagka’t ang pagibig ni Cristo ay pumipilit sa amin; sapagka’t ipinasisiya namin ang ganito, na kung ang isa ay namatay dahil sa lahat, kung gayo'y lahat ay nangamatay;"

 

a. Magandang hamon si Pablo sa mga Cristiano para magkaroon ng pagpipilit at kasipagan sa pag-aakay ng mga kaluluwa ng tao. May nagbibigay ng magandang dahilan sa kanya para lagi siya may pagnanais na mag-akay ng mga kaluluwa ng tao.

 Posible din ito sa lahat ng Cristiano na magkaroon ng lubos ng pagpipilit na mag-akay ng mga kaluluwa dahil parehong si Jesus ang tinanggap natin bilang Panginoon at Tagapagligtas ng ating kaluluwa. Parehong may Banal na Espiritu na tumahan at nagbigay sa atin ng kapangyarihan sa pag-aakay ng mga kaluluwa.

 

5 Kadahilanan Kung Bakit Nagpipilit Tayo Na Mag-akay Ng Mga Kaluluwa

 

1. Sapagkat ang pag-ibig ni Cristo ang pumipilit sa atin upang tayo'y mag-akay.

 

(II Corinto 5:14) ”Sapagka’t ang pagibig ni Cristo ay pumipilit sa amin; sapagka’t ipinasisiya namin ang ganito, na kung ang isa ay namatay dahil sa lahat, kung gayo'y lahat ay nangamatay;“ 

 

Mabisang panghamon sa Cristiano ang naranasang pag-ibig ng Dios para magbigay ng dahilan sa atin lagi na mag-akay tayo ng mga kaluluwa.

 

(Mga Gawa 3:6) ”Datapuwa’t sinabi ni Pedro, Pilak at ginto ay wala ako; datapuwa’t ang nasa akin, ay siya kong ibinibigay sa iyo. Sa pangalan ni Jesucristo ng taga Nazaret, lumakad ka.“ 

 

Si Pedro at si Juan ay masiglang ipinapahayag si Jesus sa mga taong handang tumanggap ng pagpapala ng kaligtasan ng kaluluwa nila.

 

(Mga Gawa 2:41) ”Yaon ngang nagsitanggap ng kaniyang salita ay nangabautismuhan: at nangaparagdag sa kanila nang araw na yaon ang may tatlong libong kaluluwa.“

 

2. Sapagkat ang maraming tao na nagkalat sa buong mundo ay nagbibigay ng dahilan na tayo'y magpilit na mag-akay.

 

(Mateo 9:36) ”Datapuwa’t nang makita niya ang mga karamihan, ay nahabag siya sa kanila, sapagka’t pawang nangahahapis at nangangalat, na gaya ng mga tupa na walang pastor.“

Ang Panginoong Jesus ay nagkaroon ng habag ng makita Niya ang napakaraming tayo na nagkalat sa buong mundo na nangangailangan ng kaligtasan ng mga kaluluwa. Hinamon din ni Jesus ang kanyang mga alagad na itanaw ang kanilang mga mata sa bukid sapagkat ito'y mapuputi na para anihin.

 

(Juan 4:35) ”Hindi baga sinasabi ninyo, May apat na buwan pa, at saka darating ang pagaani? narito, sa inyo'y aking sinasabi, Itanaw ninyo ang inyong mga mata, at inyong tingnan ang mga bukid, na mapuputi na upang anihin.“

 

3. Sapagkat ang Banal na Espiritu ay tutulungan tayo na magbibigay sa atin ng kapangyarihan.

 

(Mga Gawa 1:8) ”Datapuwa’t tatanggapin ninyo ang kapangyarihan, pagdating sa inyo ng Espiritu Santo: at kayo'y magiging mga saksi ko sa Jerusalem, at sa buong Judea at Samaria, at hanggang sa kahulihulihang hangganan ng lupa.“

 

Siya ang gagabay sa atin sa tamang tao at lugar na tuturuan ng ebangelio ni Cristo.

 

(Mga Gawa 8:29-31) ”At sinabi kay Felipe ng Espiritu, Lumapit ka, at makisama sa karong ito.“  v.30  ”At tumakbo si Felipeng patungo sa kaniya, at . Salamat sa Dios sapagkat hindi na lihim sa ating ang ebangelio ni Cristo na siyang kapangyarihan ng Dios na pagkalooban ng kaligtasan ang bawat nanampalataya.

 

(Roma 1:16) ”Sapagka’t hindi ko ikinahihiya ang evangelio: sapagka’t siyang kapangyarihan ng Dios sa ikaliligtas ng bawa’t sumasampalataya; una'y sa Judio, at gayon din sa Griego.“

 

Ang dakilang mensahe ng ebangelio ay lihim pa sa napakaraming mga hindi pa nakakaranas na maligtas ang kanilang mga kaluluwa. Malungkot na katotohanan, ang mga totoong mga ligtas ay tamad ipahayag ang ibangelio ni Cristo kaya hanggang ngayon ay lihim sa kanila ang napakadakilang mensahe na magliligtas ng kanilang kaluluwa.napakinggan niyang binabasa si Isaias na propeta, at sinabi, Nauunawa mo baga ang binabasa mo?

 

(Mga Gawa 8:31) ”At sinabi niya, Paanong magagawa ko, maliban nang may pumatnubay sa aking sinoman? At pinakiusapan niya si Felipe na pumanhik at maupong kasama niya.“

 

4. Sapagkat may dakilang kapahamakan ang taong hindi ligtas at totoong sila'y hahatulan sa impiyerno ng Dios.

 

(II Corinto 5:11) ”Yamang nalalaman nga ang pagkatakot sa Panginoon, ay aming hinihikayat ang mga tao, nguni’t kami ay nangahahayag sa Dios; at inaasahan ko na kami ay nangahayag din naman sa inyong mga budhi.“

 

May totoong dahilan ng ating pagpipilit na akayin ang mga makasalanan kay Cristo para maligtas sila sapagkat talagang may kalunos-lunos na kapahamakan na siguradong patutunguhan nila, ang walang hanggang kahatulan sa impiyerno.

 

(II Tessalonica 1:8-9) ”Na maghihiganti sa hindi nagsisikilala sa Dios, at sa kanila na hindi nagsisitalima sa evangelio ng ating Panginoong Jesus:“ v.9 ”Na siyang tatanggap ng kaparusahan, na walang hanggang kapahamakang mula sa harapan ng Panginoon at mula sa kaluwalhatian ng kaniyang kapangyarihan.“

 

5. Sapagkat haharap tayong lahat sa hukumang trono ni Cristo upang tayong mga Cristiano ay magbigay sulit sa Kanya.

(II Corinto 5:10) ”Sapagka’t tayong lahat ay kinakailangang mahayag sa harapan ng hukuman ni Cristo; upang tumanggap ang bawa’t isa ng mga bagay na ginawa sa pamamagitan ng katawan, ayon sa ginawa niya, maging mabuti o masama.“

 

Lahat ng Cristiano ay magbibigay sulit sa Dios sa lahat ng ginawa nila lalong ang pananagutan ng bawat Cristiano na mag-akay ng mga kaluluwa ng tao. Kapatid sa pananampalataya handa kana bang magbigay sulit sa Dios. Ngayon pagkakataon na magpumilit tayo sa pagaakay ng kaluluwa habang may panahon pa, bukas ay maaaring wala na tayong pagkakataon pa.

* Pagpalain kayong lubos ng Dios. *